Այժմ յուրաքանչյուրը կարող է կառավարել իր երազները

Գիտնականներ Դունքան Ֆրեյզիերը և Սթիվ ՄաքԳիգանը ցուցադրեցին իրենց նորամուծությունը՝  Remee Dream Mask  աչքերի դիմակը: Դիմակի օգնությամբ, ինչպես հավաստում են գիտնականները, մենք կարող ենք կառավարել մեր երազները: Remee Dream Mask –ը իրենից ներկայացնում է աչքերի գիշերային կապոց: Սարքը բաղկացած է վեց լուսային դիոդներից և ներառված աքսելերոմետրից: Դիմակը հետևում է աչքերի շարժմանը և որոշում է, թե, երբ է մարդը մտնում արագ քնի փուլ: Հենց սկսվում է «աչքերի արագ շարժման» փուլը, լուսային դիոդները որոշակի հերթականությամբ սկսում են առկայծել:

Ֆրեյզերը և ՄաքԳիգանը հավաստում են, որ լուսային ինդիկացիան երազում կգտնի իր արտացոլումը և քնածին կօգնի հասկանալ, որ նա երազ է տեսնում: Դա հնարավորություն կտա «առանց գիտակցության վերահսկողությունը կորցնելու, կառավարել երազները»: Դիմակի տերը կարող է ինքնուրույն կառավարել լուսային դիոդների առկայծումների հաճախականությունը և պայծառությունը, գրում է The Daily Mail –ը:

Նման սարքի օգնությամբ երազները կառավարել սովորելու համար հավանաբար ժամանակ է պետք, բայց այնուամենայնիվ, այդպես ավելի արագ տեղի կունենա, քան առանց դիմակի: Ստեղծողները հավաստում են, որ Remee Dream Mask –ի օգնությամբ գիտակցված երազները կարելի է օգտագործել ուշադրության խանգարումների բուժման, ինչպես նաև աչքերի շուրջը գտնվող կնճիռների վերացման համար:

Նախնական պատվերով Remee Dream Mask- ը կարելի է գնել 80 դոլարով: Խանութներում դիմակներն ավելի թանկ են վաճառվում՝ 95 դոլար:

Հարցեր, պատասխաններ, մեկնաբանություններ